天使蛋糕 (附食譜)

某大連鎖餅店推出過天使蛋糕後, 我都深深愛上左佢 ♥ ♥ ♥

外表簡簡單單, 睇落好似好易整, 實情都幾複雜下

今次第二次整, 成功左, 真開心, 呢個蛋糕係整比我表e生慶祝佢一歲生日架 ^^

 

 

我覺得有少少失敗, 因為唔知點解個蛋糕焗好之後 lum 得好快, 下次再努力 🙂

呢次我整到脆脆焦糖喇, 上次買果啲係黃色, 今次買返支透明既, 唔知關唔關事呢!?!

 

~~~~~~~~~~~~~~~~~~~~~~~~~~~~~~~~~~~~~~~~~~~~~

天使蛋糕 Honey Crunch Cake

7吋活動空圓模1個

脆脆焦糖 (Sponge Toffee)

材料:

100g 砂糖

25g 粟膠/粟米糖漿 (corn syrup)

25g 水

5g 梳打粉 (baking soda, bicarbonate of soda)

 

做法:

(1) 用一個長柄小鍋 (不用易潔), 加人砂糖, 粟膠和水拌勻

2

(2) 中火煮滾約5分 鐘, 期間不用攪拌, 糖慢慢會變得較稠, 顏 色變成淺黃

(3) 繼續用中火煮, 期 間拿起鍋的長柄慢慢搖一下, 確保焦糖顏色均勻, 直至糖變成金黃色便離火

(4) 一手加入梳打粉, 另 一手用木匙快速拌勻約20秒, 期間不要停手, 直至膨脹減慢, 快手倒入已鋪好焗爐紙的焗盆內

3

(5) 靜待約15分鐘焦糖已完全冷卻後, 將它放入密實袋內封好, 用麵掍輕輕打碎至每粒約手指頭大 小, 即成為脆脆焦糖

4

小貼士:

(1) 煮焦糖全程約為10分鐘, 但由於每個爐具的火力不同, 就算同是中火, 火力也會不同, 所以時間不能作準, 最好憑顏色斷定, 如果用易潔鍋, 鍋本身的顏色難以斷定煮焦糖顏色的轉變, 故 宜用普通有柄小鍋

(2) 煮焦糖的頭5分鐘, 糖漿看起來顏色不會有改變, 只是質地略稠, 期間不要動它; 要小心糖漿一開始變為淡黃色, 很快顏色便變深成金黃色, 淺啡色, 茶色, 所以要小心看着, 一變成金黃色便要離火, 否則做成的脆脆焦糖已燶

(3) 離火的意思是熄火並移離爐具

(4) 煮好成金黃色的焦脆有餘力, 一加入梳打粉後熱力會持續煮焦糖, 所以煮焦糖至金黃色便可以, 待拌勻梳打粉後便剛好成焦糖, 如果將焦糖煮至淺啡色甚至茶色, 一加入梳打粉後熱力便會將焦糖煮燶有苦味

(5) 梳打粉的作用是做出那脆脆焦糖的一個個小孔, 形成脆脆的特質, 所以一加入梳打粉便要快手攪拌, 確保拌勻, 而且時間太久的話, 鍋的餘溫會令焦糖變燶

(6) 脆脆焦糖做好後連密實袋放於存氣的密實盒內保持香脆

(7) 剩下的脆脆焦糖除了可以伴雪糕外, 還可以代替咖啡糖來調咖啡, 咖啡會變成焦糖咖啡, 帶一點 Starbuck Caramel Machiato 味道

(8) 沾有焦糖的用具如小鍋和木匙只要用水浸約15分鐘, 糖便會溶掉方便清洗

 

 

戚風蛋糕

材料:

3隻 蛋黄

4隻 蛋白

80g 砂糖 (分成2份, 各40g)

少許幼鹽

50g 低筋麵粉

40ml 鮮奶

50g 菜油 (或橄欖油)

 

做法:

(1) 蛋白加一半份量的砂糖(40g) 和幼鹽隔水加熱至38oC (人體體溫為37-38oC, 所以用手感覺到微暖便可), 一邊用打蛋器拌勻, 讓其熱度均勻, 離火; 用電動打蛋器快速打蛋白, 蛋白的體積會慢慢變大, 氣泡開始多而細少, 打至蛋白的紋路慢慢清楚, 而且消散的時間減慢, 轉慢速續打至企身備用

(2) 將蛋黄和餘下的砂糖隔水加熱至38oC (人體體溫為37-38oC, 所以用手感覺到微暖便可), 一邊用打蛋器拌勻, 讓其熱度均勻, 離火

(3) 以電動打蛋器快速打蛋至均勻, 加入菜油和鮮奶, 稍稍拌勻後開動電動打蛋器攪拌均勻 (否則蛋漿會彈出來)

(4) 將低筋麵粉一次過篩入, 用刮刀由盆邊放入, 沿盆邊像畫圓圈般手勢, 再反手摺入麵粉, 不 斷重複直至攪拌均勻 (動作要快, 切記輕手, 否則會破壞蛋糊的細泡, 焗好的蛋糕便不夠鬆軟)

(5) 將1/3蛋白拌入麵糊中拌勻, 再將其餘拌入蛋糊內, 輕手而快速地用刮刀拌勻

5

(6) 倒入焗模內 (蛋糊流下來時呈絲帶狀), 放入已預熱170oC的焗爐內焗約25分鐘

6

 

 

裝飾

材料:

400g 鮮忌廉

15g 砂糖

 

做法:

(1) 砂糖加鮮忌廉打起作裝飾用

(2) 戚風蛋糕橫切成兩半, 中間塗忌廉, 再將忌廉均勻塗上蛋糕面

(3) 臨吃前伴以脆脆焦糖

7

食譜來源:Shirley Yick (我跟住呢個食譜做, 好成功唷^^大家都試下啦)

 

 

 

【早幾日有網友問我點解將啲焦糖脆脆放入蛋糕唔融既!??】

其實焦糖脆脆係由梳打粉令佢澎脹而成, 裡面有好多窿即係空氣

整好左既焦糖脆最好用密實盒裝起佢, 空氣走左出黎就會淋哂, 唔脆架喇

多數會係將焦糖脆脆即食即放上面

我都試過放係面然後放入雪櫃第二日先食, 點知第二日面D焦糖脆脆融哂

因為D空氣出哂黎, 所以融左

而大公司整既天使蛋糕, 蛋糕中間用既忌廉加左焦糖脆脆

可能係蛋糕同忌廉封住左, 令佢冇咁多空氣出黎

但係佢都係建議大家即日食用架

而我整既時候, 就冇係中間加焦糖脆脆, 因為我未必係即日食嘛

不過都係我自己諗既, 未必係正確答案! ^^

 

8

 

 

 

 

 

? 有關產品試用 / 活動邀請 ? 歡迎與我聯絡 
? Email: [email protected]
Welcome to my Facebook Fanpage ♥裳整餅♥

3 Replies to “天使蛋糕 (附食譜)

發表迴響